(22.08.2011)  Moin Lüe,
nu is ja gerade de Tied von de Maislabyrinthe. Is ja äin riesen Vergnügen, doar dör to loopen. Übrigens ok äin Wahlkampfthema. Bünt ja ale Parteien mitlerwiele doargägen, Biogasanlagen mit de ganzen Maisflächen to boahn. Doarbi bergt de grooten Maisflächen doch heller Möglichkeiten. Taun Beispiel bruukt man de äigene Frau nur moal in son Maislabyrinth jagen. Bi düsse grooten Flächen, häv man de nächsten Stunden heller Ruhe. Gaut, wenn´t dumm löpp, mott man de Frau dann wär utn Mais haalen wie düsse Kaue Yvonne in Bayern. Also nu nich mit son brünstigen Bullen an Rand, aber flichte mit sone Wärmebäldkamera. So wie ik taun Beispiel use Mamme kenne, is däi nämlich för Grelligkeit so root an Kopp, dat sone Wärmebäldkamera mänt, in Mais stünde äin Atomkraftwerk kott förn Supergau. Insofern is dann eher tau empfehlen, de in´t Labyrinth geschickte Frau ersmoal mitn Betäubungsgewehr ruhig to stellen, beför säi ut Grelligkeit rutpultert.
Interessant is doarbi is übrigens, dat sück düsse Labyrinthbastler ja immer heller watt utdenkt, üm Lüe doarin to locken. Taun Beispiel mott man lüttke Rätsel lösen. Üm bi dat Beispiel von use Mamme to blieben: Ik wör läiver nich in de Nähe, wenn säi moal wär ne Froage nich beantworten kann. Aber gaut, solange säi nich wär rutfindet ut Maislabyrint bruukt dän Betreiber ok kiene Sorgen häm. So gautgoahn Lüe, ik goah nu mit use Mamme ok noah son speziellet Maislabyrinth. Häb ik sümmes uptäikt un ienmaiht. Bis Morgen häb ik Ruhe.